علاج الارق بالاعشاب الطبيعية من أهم الدراسات لعلاج الارق اللي بتعتبر مشكلة من اكتر المشاكل الي بنواجهها حالياً خصوصاً في نمط الحياة السريع والضغط النفسي والقلق والتوتر الي بنتعرضلهم يومياً سواء من الشغل او الدراسة او من البيت واللي كتير مننا بيبقي فاهم انه مرض مش عرض ناتج لأسلوب حياة غير صحي بسبب محاولتنا لعلاجه سواء بالادوية او المشروبات الي بتحتوي علي منبهات وكافيين عالي وبنغفل عن علاج الارق بالاعشاب الطبيعية.
ودا بيبقى سبب في تعزيز المشكلة بشكل اكبر مش حلها زي ما كتير مننا متخيل وعشان النوم بشكل كافي مهم جداً لصحتنا النفسية والجسدية وبيأثر على يومنا بشكل كلي
هنستعرض في المقال دا علاج الارق بالاعشاب الطبيعية بشكل آمن من غير ما تأثر علي صحتك والي هتساعدك وتهدي أعصابك وتستعيد نشاطك وتنام بشكل أفضل.
أسباب الأرق وعدم النوم.
الأرق وعدم النوم مش دايما ليهم نفس الاسباب وعشان نعالج المشكلة صح خوصا لو عن طريق علاج الارق بالاعشاب الطبيعية لازم نبدأ نفهم المشكلة من جذورها سواء هي نفسية أو عضوية او سبب تالت خالص محدش فينا فكر فيه قبل كده ومن اهم الأسباب وأكثرها انتشاراً
الاختلافات الجينية
الاختلاف في احتياج الجسم للنوم ممكن يكون سبب في إن الشخص مش بيحتاج أو مش بيدخل في نوم عميق زي غيره.
الإختلافات الكيميائية أو النشاط الزائد في المخ
كتير من الناس مخهم شغال حتى وقت النوم بسبب التفكير الزائد أو القلق و دا بيمنع الجسم إنه يهدى ويدخل في النوم العميق.
المشاكل الصحية:
أمراض الجهاز الهضمي ومشاكل التنفس واضطرابات الساعة البيولوجية سبب قوي انها تأثر على جودة النوم.
المشاكل النفسية والعقلية:
كتير من حالات الأرق المزمنة بترتبط بالقلق أو بالاكتئاب أو الضغوط النفسية.
تغيرات فى الحياة أو فترات زمنية: لو انتقلت لوظيفة جديدة أو اضطريت تنام في مكان مختلف أو حصل أي تغير في أسلوب حياتك زي تغير مواعيد النوم والصحيان.
أكل / نوم غير صحي:
لو كلت اكل دسم و تقيل في وقت متأخر أو شربت مشروبات فيها كافيين في وقت متأخر أو أتعرضت لإضاءة عالية أو حتى استخدمت الموبايل أو أي شاشات قبل نومك بنص ساعة على الأقل كافي جدا أنه يخلي جسمك مش مستعد يدخل في حالة النوم العميق.
تأثير الأرق على الجسم
تأثير الارق مش بس قادر يحرمك من نومك ويمنع جسمك أنه يهدى و يجدد طاقتة بالعكس هو مشكلة لو متعالجتش هتسيب اثر اكبر مما نتخيل ودي بعض الأمراض الي ممكن تواجهها بسبب الأرق.
أضرار الأرق علي علي صحة الجسم
الأمراض المزمنة المتوقع حدوثها بسبب الأرق وعدم النوم بشكل كافي
- السكتة الدماغية
- أمراض القلب والشرايين
- مشاكل في الذاكرة
- ارتفاع ضغط الدم
- ضعف الجهاز المناعي
- ارتفاع نوبات الربو للأشخاص المصابين بحساسية الصدر
- زيادة الوزن
أضرار الأرق على الصحة النفسية
بعض الأمراض النفسية المنتشرة بسبب عدم النوم
- التوتر
- زيادة الانفعال و الارتباك
- قلة التركيز والانتباه
- الاكتئاب
أضرار الأرق على البشرة والشعر
الأرق مش بس بيأثر علي صحتك ونفسيتك لكن كمان بيأثر على شكلك ومظهرك.
- ظهور حب الشباب
- شحوب البشرة
- زيادة الإفرازات الدهنية في البشرة
- زيادة الرؤوس السوداء
- زيادة الخطوط و التجاعيد
- ظهور الهالات السوداء
- تساقط الشعر وضعف بصيلاته
علاج الارق بالاعشاب الطبيعية
كتير مننا بيسأل هل في حل لعلاج الأرق وعدم النوم نهائياً من غير أدوية و منومات؟ والإجابة نعم طبعا أقدر أعالج مشكلة عدم النوم والأرق بدون اللجوء للمنومات والأدوية لأن مضاعفاتها خطيرة جداً على الصحة وضررهم أكبر بكتير من فايدتهم على المدى الطويل وبالتالي بدأنا نلجئ لحلول و بدايل من الطبيعة على شرط أننا نتعامل معاها بشكل مظبوط ومناسب لحالتنا والمشكلة اللي بنواجهها؛ الأعشاب الطبيعية مش بس قادرة تعالج اضطرابات النوم لكنها قادرة تعالج فرط التفكير والتوتر وتخلص جسمك من أضرار الكافيين اللي بتسببها الشاي والقهوة ومشروبات الطاقة وتخليك هادي ومسترخي وتدخل في حالة النوم العميق بكل سهولة.
البابونج
زهرة البابونج من أكتر الأعشاب الطبيعية اللي قادرة تهدي جسمك و تقلل التوتر و تحسن من جودة النوم وتمنع أكسدة البشرة وتخفف اضطرابات المعدة لو شربت منه فنجانين يومياً مرة بعد الفطار ومرة قبل النوم.
الاشواجندا
من أهم الأعشاب الطبيعية المؤثرة على تهدئة الجهاز العصبي وتقليل أعراض القلق والتوتر وتنظيم الهرمونات عند السيدات خاصةً فترة ما قبل انقطاع الطمث وتقوية جهاز المناعة.
الجنسينج
مشروب من الأعشاب الطبيعية الفعال في تخفيف التوتر وتحسين الحالة المزاجية والحد من الألتهابات ومرض السكر وتقوية المناعة وتحسين صحة القلب.
المرمرية
شاي المرمرية الخالي من الكافيين مناسب جداً قبل النوم وحل مشكلة الأرق وتهدئة الأعصاب بشكل ملحوظ وفعال.
اللافندر
شاي اللافندر من الأعشاب العطرية الفعالة في تهدئة الأعصاب وتقليل الالتهابات وألام فترة الطمث.
النعناع
من أشهر المشروبات الطبيعية اللي بتساعد على تخفيف التوتر وتهدئة الأعصاب وكمان بتحسن الهضم وبتقلل من أعراض الصداع.
نصائح لاستخدام الأعشاب الطبيعية
عشان نوصل لاحسن نتيجة فعالة ومضمونة من غير أضرار أو أثار جانبية لازم نخلي بالنا و نلتزم ببعض النصائح دي.
- معرفة سبب الأرق وعدم النوم.
- عدم الإفراط والالتزام بالجرعة المحددة.
- لو عندك اي مرض مزمن او بتاخد أدوية مهم جداً تستشير طبيبك.
- نتأكد من مصدر الأعشاب الطبيعية وجودتها.
- التخزين السليم.
الأرق وعدم النوم قادر يأثر على يومك وشغلك وإنتاجيتك لو مفهمتش أسبابة وقدرت تتعامل معاه بصورة سليمة من غير ما تلجئ للمنومات اللي بتستنفذ صحتك و تركيزك وقادرة تعرضك لأكتئاب كمان لو استمريت عليها أنهارده الدراسات بتثبت أن الأعشاب الطبيعية حل أمن وفعال وقادر يخلصك من مشكلة الأرق وعدم النوم نهائياً وكمان يحللك كتير من المشاكل الصحية لو التزمنا ببعض النصائح البسيطة.
Leave a Reply